一落機就搵國內線去搭單軌,其實就係隔離, 行10min左右, 我地買左2日ge pass.(原來國內線係日本內陸機ge機場, 而我地落機ge地方叫國外線, 仲要好唔公平tim, 國內線又大又新, but國內線就又細又舊)
我地住ge Comfort Hotel就係縣廳前站, 坐單軌10min左右就到,一落車個站有一個水牌介紹附近有咩酒店, 點去, (之前見網友又係住comfort hotel佢地話好近車站). but我地望黎望去都唔見間酒店名,開始驚驚地la, 之後落到地下又見到d地圖就見到我地ge酒店, 好彩唔洗點行冤枉路就去到,因為知道間酒店好近車站, 其實沿車站附近搵就ok.而且佢唔係系大街, 而係系大巷, 所以大家住呢間酒店要search下先得,
酒店就系車站ge後面,行5min就到,而且車站就有一個商場,又近國際通,非常方便,有寬頻上網,大堂餐廳又有野飲任飲,又有wifi.早餐都可接受.but 酒店比較細,
放下行李就去國際通進發, 一路直行就會見到市場本通, 里面就係每個遊客必到ge第一牧志公設市場.
入到去仲以為全都賣海鮮, 其實只不過係街市, 我地兜左一個圈,冇咩頭緒,間間都差不多,又唔係好識點買,仲要比我見到只米奇系我前面跑過, 當堂冇咩餵口.
之後就搵左間叫左龍蝦,夜光貝,海膽,幾只唔知咩魚ge刺身, 我地問佢點解冇帶子,油甘魚...佢地話呢d唔係沖繩ge海產, 佢地係冇得賣. OMG,仲以為黎到日本可以狂食魚生tim,
order完之後有人帶我地上樓上坐,咁我地又係果度見到有苦瓜炒蛋&沖繩面, 緊係order埋拉.
夜光貝(半只), 有20小片到, 有一半以上都係un 的, 咬唔到,
龍蝦好新鮮, 要食哦,
龍蝦頭煲湯, 好似面士湯, 冇特別
其他ge都係ok拉, 冇咩驚喜
呢餐大約900港幣,返酒店ge時候見到間blue seal, 緊係整番杯拉, 都ok好食ge.大家唔洗驚a, 周圍都可以買到blue seal ice cream
第一天完
沒有留言:
發佈留言